Напярэдадні свята Пакрова Прасвятой Багародзіцы, 13 кастрычніка, па блаславенні епіскапа Магілёўскага і Мсціслаўскага Сафронія ў Магілёў прыбудзе каўчэг з часціцай мошчаў блажэннай Матроны Маскоўскай.

Сустрэча святыні адбудзецца архірэйскім чынам у 17.00. Затым Праасвяшчэнны Сафроній узначаліць Усяночнае бдзенне ў гонар свята Пакрова Прасвятой Багародзіцы.

Мошчы будуць знаходзіцца ў Спаса-Праабражэнскім кафедральным саборы абласнога цэнтра (вул. Габраўская) да 27 кастрычніка. Доступ да іх будзе адкрыты з 8.00 да 19.00.