Адзіны дзень інфармавання, які пройдзе 19 кастрычніка ў гарадах і раёнах Магілёўшчыны, будзе прысвечаны ахове мацярынства і дзяцінства ў Беларусі. Пра гэта карэспандэнту сайта паведамілі ў галоўным упраўленні ідэалагічнай работы, культуры і па справах моладзі аблвыканкама.

Кіруючыя работнікі аблвыканкама, яго структурных падраздзяленняў і абласных ведамстваў, якія ўваходзяць у склад інфармацыйных груп, пад кіраўніцтвам членаў абласнога выканаўчага камітэта, а таксама члены інфармацыйных груп гар- і райвыканкамаў, адміністрацый Магілёва і Бабруйска выступяць у працоўных калектывах рэгіёна. Яны раскажуць аб прававых аспектах, ахове здароўя, сацыяльнай ахове маці і дзяцей, умацаванні інстытута сям’і ў Беларусі. Выступоўцы таксама праінфармуюць аб працы па павышэнні прэстыжу сям’і ў грамадстве і сістэме ранняй прафілактыкі сацыяльнага сіроцтва.

У якасці дадатковай тэмы разгледзяць стан і прынятыя меры па супрацьдзеянні карупцыі ў Магілёўскай вобласці. Акрамя таго, удзельнікаў АДІ пазнаёмяць з асноўнымі правіламі папярэджання пажараў у жылым фондзе, з рэспубліканскай акцыяй «За бяспеку разам» і з бяспекай дарожнага руху.

Матэрыялы для членаў інфармацыйна-прапагандысцкіх груп