Падчас правядзення міжнароднага музычнага фестывалю «Залаты шлягер-2017» на пляцоўцы каля Палаца культуры вобласці ў Магілёве будзе працаваць выстава-кірмаш.

Яе ўдзельнікамі стануць арганізацыі гандлю, перапрацоўчай прамысловасці, сельгаспрадпрыемствы і прадпрыемствы сістэмы спажывецкай кааперацыі Магілёўскай вобласці. У шырокім асартыменце будзе прадстаўлена мясная і малочная прадукцыя, вэнджаніна, каўбасныя, кулінарныя і кандытарскія вырабы, гародніна і садавіна.

Для стварэння святочнага настрою арганізуюць тэматычныя выставачныя экспазіцыі восеньскіх падворкаў, а таксама культурную музычную праграму з выступленнем калектываў мастацкай самадзейнасці рэгіёна.
Выстава-кірмаш будзе працаваць з 22 па 29 кастрычніка.