Прадпрыемствы Магілёўскай вобласці прадставяць прадукцыю на агульнагарадскім сельскагаспадарчым кірмашы каля «Чыжоўка-Арэны» ў Мінску 21-22 кастрычніка, як паведамілі ў прэс-службе Мінгарвыканкама.

Наведвальнікам з 9.00 да 16.00 будзе прапаноўвацца шырокі асартымент агародніны і садавіны (бульба, буракі, морква, капуста, цыбуля, перац, агуркі, таматы, кабачкі, гарбузы, яблыкі, зеляніна і інш.), мясная і малочная прадукцыя, рыба, мёд, кулінарныя вырабы. У гандлёвых кропках можна набыць і нехарчовыя тавары.