Магілёўская мытня за 9 месяцаў 2017 года пералічыла ў рэспубліканскі бюджэт плацяжоў, якія кантралююцца мытнымі органамі, на суму звыш Br156 млн. Гэты паказчык на 37,23% большы ў параўнанні з аналагічным перыядам мінулага года, як паведамілі карэспандэнту сайта ў прэс-службе ведамства.

На сённяшні дзень мытняй дасягнуты значныя вынікі па часе ажыццяўлення мытных аперацый. Так, за студзень-верасень 2017-га 82% тавараў, якія вывозяцца з тэрыторыі ЕАЭС, былі аформлены менш чым за 5 хвілін, а 68%тавараў, якія ўвозяцца, праходзяць мытную ачыстку менш чым за 2 гадзіны.

Акрамя таго, выпуск больш за 98% тавараў пад працэдуру мытнага транзіту заняў менш за 10 хвілін, што гаворыць аб павелічэнні транзітнай прывабнасці нашай краіны, садзейнічае развіццю бізнес-супольнасцяў рэгіёна, а таксама ўмацаванню знешнеэканамічных сувязяў і канкурэнтаздольнасці Беларусі ў цэлым.