За 9 месяцаў 2017 года суб’екты малога і сярэдняга бізнесу Магілёўшчыны заплацілі Br247,5 млн., або 32,6% ад агульных паступленняў у бюджэт. Пра гэта карэспандэнту сайта паведамілі ў прэс-цэнтры інспекцыі МПЗ па Магілёўскай вобласці.

У параўнанні з аналагічным перыядам мінулага года фінансавыя ўліванні павялічыліся на 3,4%, або на Br8,7 млн. у фактычным вылічэнні.

Паступленні ад арганізацый зменшыліся на 4,8% і склалі Br215,4 млн., ад індывідуальных прадпрымальнікаў павялічыліся на 7,7%. Яны ўнеслі ў бюджэт Br32,2 млн.

На 1 кастрычніка 2017 года на Магілёўшчыне было зарэгістравана 30,9 тыс. суб’ектаў малога і сярэдняга бізнесу, у тым ліку 22,4 тыс. індывідуальных прадпрымальнікаў і 8,5 тыс. юрыдычных асоб.