Указам Прэзідэнта Рэспублікі Беларусь ад 2017/09/19 № 337 «Аб рэгуляванні дзейнасці фізічных асоб» пашыраны пералік відаў дзейнасці, якія не адносяцца да прадпрымальніцкай дзейнасці. Пра гэта патлумачылі ў прэс-цэнтры інспекцыі МПЗ па Магілёўскай вобласці.

Так, у адпаведнасці з дакументам з 22 кастрычніка 2017 года фізічныя асобы без рэгістрацыі ў якасці індывідуальнага прадпрымальніка змогуць дадаткова ажыццяўляць 12 відаў дзейнасці:

1) рэалізацыя на гандлёвых месцах на рынках і (або) у іншых устаноўленых мясцовымі выканаўчымі і распарадчымі органамі месцах вырабленых фізічнымі асобамі хлебабулачных і кандытарскіх вырабаў, гатовай кулінарнай прадукцыі;

2) прадастаўленне належнага на праве ўласнасці фізічнай асобе іншым фізічным асобам жылых памяшканняў, садовых домікаў, дач для кароткатэрміновага пражывання;

3) выкананне работ, аказанне паслуг па дызайне інтэр’ераў, графічным дызайне, афармленні (упрыгожванні) аўтамабіляў, унутранай прасторы капітальных пабудоў (будынкаў, збудаванняў), памяшканняў, іншых месц, а таксама мадэляванне прадметаў афармлення інтэр’еру, тэкстыльных вырабаў, мэблі, адзення і абутку, прадметаў асабістага карыстання і бытавых вырабаў;

4) рамонт гадзінікаў, абутку;

5) рамонт і аднаўленне, уключаючы перацяжку, хатняй мэблі з матэрыялаў заказчыка;

6) зборка мэблі;

7) настройка музычных інструментаў;

8) распілоўка і колка дроў, пагрузка і разгрузка грузаў;

9) вытворчасць адзення (у тым ліку галаўных убораў) і абутку з матэрыялаў заказчыка;

10) тынкавыя, малярныя, шкляныя работы, працы па ўладкаванні пакрыццяў падлогі і абліцоўвання сцен, абклейванне сцен шпалерамі, мураванне (рамонт) печаў і камінаў;

11) аказанне паслуг па распрацоўцы вэб-сайтаў, усталёўцы (настройцы) камп’ютараў і праграмнага забеспячэння, аднаўленні камп’ютараў пасля збою, рамонт, тэхнічнае абслугоўванне камп’ютараў і перыферыйнага абсталявання, навучанне працы на персанальным камп’ютары;

12) цырульныя і касметычныя паслугі, а таксама паслугі па манікюры і педыкюры.

Звяртаем увагу, што ўсе вышэйпаказаныя віды дзейнасці павінны ажыццяўляцца фізічнымі асобамі самастойна.

Указам замацоўваецца абавязак фізічных асоб рабіць выплату адзінага падатку з індывідуальных прадпрымальнікаў і іншых фізічных асоб пры ажыццяўленні відаў дзейнасці, прадугледжаных дакументам.

Адначасова ў дадатак да ўказа ўстаноўлены базавыя стаўкі адзінага падатку, у межах якіх абласныя і Мінскі гарадскі Саветы дэпутатаў прынялі рашэнні па ўстанаўленні канкрэтных памераў ставак адзінага падатку.

Для таго каб прыступіць да ажыццяўлення дзейнасці, фізічныя асобы ў адпаведнасці з нормамі главы 35 Падатковага кодэкса Рэспублікі Беларусь абавязаны:

1) да пачатку ажыццяўлення дзейнасці падаць у падатковы орган па месцы жыхарства пісьмовае паведамленне з указаннем віду дзейнасці, а таксама перыяду ажыццяўлення дзейнасці і месца ажыццяўлення дзейнасці. На падставе прадстаўленага пiсьмовага паведамлення падатковы орган налічыць адзіны падатак, зыходзячы з падатковай базы і ставак падатку, устаноўленых у населеным пункце, у якім будзе ажыццяўляцца дзейнасць.

2) да пачатку ажыццяўлення дзейнасці выплаціць падлічаную падатковым органам суму адзінага падатку.

На фізічных асоб, якія ажыццяўляюць дзейнасць, прадугледжаную ўказам, не ўскладаецца абавязак па выкананні ўстаноўленага заканадаўствам парадку прыёму наяўных грашовых сродкаў, парадку вядзення ўліку атрыманых даходаў і парадку прадастаўлення ў падатковы орган падатковых дэкларацый (разлікаў) у сувязі з ажыццяўленнем дзейнасці.

За больш падрабязнай інфармацыяй можна звярнуцца ў падатковы орган па месцы жыхарства альбо ў кантакт-цэнтр МПЗ па тэлефоне 189. З поўным пералікам відаў дзейнасці, якія не адносяцца да прадпрымальніцкай дзейнасці, можна азнаёміцца тут.