Хлопца з Тэхаса не палохае халоднае надвор’е, як адзначыў на прэс-канферэнцыі з артыстамі, якія прыехалі ў Магілёў на міжнародны музычны фестываль «Залаты шлягер», амерыканскі мультыінструменталіст, спявак і кампазітар Квенцін Мур.

«Я лёгка пераношу нізкія тэмпературы. Ды і на Радзіме, нягледзячы на ўстойлівае меркаванне аб гарачым тэхаскім клімаце, у апошні час надвор’е часта не цешыць», – падкрэсліў музыкант.

Музыка Квенціна Мура вельмі меладычная і ўключае элементы соўла, рытм-н-блюза і фанка. Нароўні з аўтарскімі песнямі, у канцэртнай праграме музыканта важнае месца аддадзена сусветным хітам.

Гаворачы пра моманты, якія дазваляюць выходзіць на сцэну найбольш падрыхтаваным, Квенцін Мур вылучыў тры асноўныя складнікі: піць пабольш вады, быць перад выступленнем у адзіноце і пастаянна трэніраваць вакальныя дадзеныя праз адпрацоўку разнастайных незвычайных гукаў.

Калісьці перад музыкантам стаяў выбар паміж спортам і музыкай. Квенцін Мур абраў апошнюю і не памыліўся. Цяпер творчыя заняткі дастаўляюць яму задавальненне.