Ансамблю народнай песні «Медунічка» дзяржаўнай установы культуры «Палац культуры вобласці» Магілёва прысвоена званне «ўзорны». Такое рашэнне змяшчаецца ў пастанове Міністэрства культуры Рэспублікі Беларусь.

Высокага звання калектыў удастоены за значны ўклад у развіцці аматарскай мастацкай творчасці, папулярызацыю нацыянальных традыцый, адпаведны мастацкі ўзровень і творчыя паказчыкі.

Ансамбль «Медунічка» заснаваны ў 2000 годзе ў Палацы культуры і тэхнікі ААТ «Магілёўхімвалакно». Узрост удзельнікаў складае ад 4 да 12 гадоў. У рэпертуары калектыву беларускія народныя песні і аўтарскія творы беларускіх самадзейных аўтараў. Ансамбль з’яўляецца ўдзельнікам розных фестываляў і конкурсаў.