Больш за 2,3 тыс. жыхароў Бабруйска выплачваюць падаткі з даходаў, атрыманых ад здачы ў арэнду (субарэнду), наём (паднаём) жылых і іншых памяшканняў. Пра гэта карэспандэнту сайта паведамілі ў прэс-цэнтры інспекцыі МПЗ па Магілёўскай вобласці.

За студзень-верасень 2017 года ў бюджэт імі выплачана Br313 тыс., што на Br42,7 тыс. больш у параўнанні з аналагічным перыядам мінулага года.

Па пытаннях вылічэння і выплаты падаходнага падатку ў фіксаваных сумах жыхары Бабруйска могуць звяртацца ў працоўныя дні з 8.00 да 13.00 і з 14.00 да 17.00 у гарадскую інспекцыю МПЗ (вул. Кастрычніцкая, 137-а, каб.№112). Тэлефон для даведак: 8 (0225) 55-26-22.

Таксама інспекцыя просіць жыхароў горада на Бярэзіне, якія валодаюць інфармацыяй аб фактах нелегальнай здачы ў наём кватэраў і іншых памяшканняў у Бабруйску, паведаміць пра гэта па тэлефонах 55-26-22, 46-83-19, 55-26-24.