У в. Лыскаўшчына Круглянскага раёна 5-6 лістапада пройдзе міжнародная сустрэча пчаляроў. Экатуркомплекс «Мікалаеўскія сажалкі» стане месцам сустрэчы прадстаўнікоў з Беларусі, Польшчы, Прыбалтыкі, Расіі, Украіны, Чэхіі і інш.

Праграмай мерапрыемства запланаваны дыялог пчаляроў-практыкаў, якія дабіліся рэальных поспехаў у сваёй справе. Дадуць слова і маладым спецыялістам. Падчас сустрэчы таксама правядуць конкурс і дэгустацыю мёду, мядовых напояў, абяруць прадукт смакавых сімпатый. Акрамя таго, будзе арганізавана латарэя, а майстры пацешаць аўтарскімі вырабамі для пчальніка.