Інспекцыя Міністэрства па падатках і зборах па Магілёўскай вобласці нагадвае, што фізічныя асобы, якім належаць аб’екты нерухомасці і зямельныя ўчасткі (за выключэннем асоб, якія маюць права на льготу), павінны выплаціць зямельны падатак і падатак на нерухомасць, арэндную плату за зямлю.

Тэрмін выплаты падаткаў і плацяжоў заканчваецца 15 лістапада.

Разлічыцца з бюджэтам можна з дапамогай інтэрнэт-банкінгу (паслуга даступная карыстальнікам электроннага сэрвісу «Асабісты кабінет фізічнай асобы»), праз банк, інфакіёск, пошту, пасялковы, сельскі выканаўчы і распарадчы орган, а таксама ў падатковай інспекцыі.

Сумы падаткаў, добраахвотна не выплачаныя ў бюджэт, спаганяюцца ў прымусовым парадку праз суд з налічэннем пені за кожны каляндарны дзень пратэрміноўкі. За нявыплату або няпоўную выплату накладаецца штраф у памеры 15% ад неаплачанай сумы падатку, але не менш за 0,5 базавай велічыні.

Азнаёміцца з сэрвісам «Асабісты кабінет фізічнай асобы» можна на сайце МПЗ.