Магілёўская абласная бібліятэка імя У.І. Леніна арганізавала адкрыты прагляд літаратуры «Кастрычніцкая рэвалюцыя 1917: найвялікшая падзея або сацыяльная катастрофа?». Экспазіцыя размясцілася ў агульнай чытальнай зале, як паведамілі ва ўстанове культуры.

На выставе, якая будзе працягвацца да 30 лістапада, прадстаўлены кнігі, ілюстраваныя энцыклапедыі, даведачныя выданні, дакументальныя і мастацкія творы савецкіх часоў і сучасная літаратура, якая адлюстроўвае дыяметральна супрацьлеглыя погляды аўтараў на падзеі 100-гадовай даўніны.

«Захаванне ў Беларусі 7 лістапада ў якасці дзяржаўнага свята сведчыць аб тым, што мінулае забываць нельга. Гісторыя з’яўляецца скарбніцай для народа, прыкладам і навучаннем для сучаснасці, перасцярогай для будучыні», – адзначылі суразмоўцы.