У Хоцімскім раёне на пажары загінуў 84-гадовы пенсіянер. Пра гэта карэспандэнту сайта паведаміла старшы інспектар Цэнтра бяспекі жыццядзейнасці і ўзаемадзеяння з грамадскасцю Магілёўскага абласнога ўпраўлення МНС Вольга Нехарошых.

Узгаранне прыватнага жылога дома ў вёсцы Трасціно адбылося раніцай 6 лістапада. Мясцовыя жыхары выявілі пажар, калі будынак ужо гарэў. Агонь маментальна ператварыў яго ў папялішча. На падлозе веранды пад абваленымі канструкцыямі без прыкмет жыцця быў знойдзены гаспадар. Загінулы пражываў адзін.

Прычына пажару высвятляецца.

За выхадныя дні ў Магілёўскай вобласці адбылося 5 пажараў. У ходзе аператыўнай работы выратавана 2 жылыя дамы і 4 гаспадарчыя будынкі.