У раённых цэнтрах Магілёўскай вобласці правялі лекцыі па тлумачэнні гістарычнага значэння Кастрычніцкай рэвалюцыі. Пра гэта карэспандэнту сайта паведамілі ў галоўным упраўленні ідэалагічнай работы, культуры і па справах моладзі аблвыканкама.

У Быхаўскім, Клічаўскім, Бабруйскім раёнах адбыліся сустрэчы ідэалагічнага актыву, прадстаўнікоў працоўных калектываў, грамадскіх арганізацый з прафесарам, кандыдатам гістарычных навук Генадзем Валчком і дырэктарам рэгіянальнай арганізацыйнай структуры РДГА «Беларускае таварыства «Веды»» Раісай Шугалеевай. Падчас гутарак былі прааналізаваны розныя пункты гледжання на значэнне юбілейнай даты, прыведзены факты, якія пацвярджаюць ўплыў рэвалюцыі на сацыяльна-эканамічнае развіццё сучаснай Беларусі.