Дэлегацыя Магілёўскай вобласці на чале з першым намеснікам старшыні аблвыканкама Алегам Чыкідай наведала аўтаномна-тэрытарыяльную адзінку (АТА) Гагаузія на поўдні Малдовы. Пра гэта карэспандэнту сайта паведамілі ва ўпраўленні знешнеэканамічнай дзейнасці камітэта эканомікі аблвыканкама.

Асноўнай мэтай візіту быў удзел у мерапрыемствах III Міжнароднага форуму Invest Gagauzia-2017. Дэлегаты азнаёміліся з рэгіёнам, вывучылі інвестыцыйныя магчымасці ў рамках прамысловых і інвестпляцовак, новаўвядзенні ў нацыянальным і мясцовым заканадаўстве ў частцы стымулявання інвестыцый і прадастаўлення прэферэнцый. Падчас форуму таксама быў прадстаўлены сельскагаспадарчы і інвестыцыйны патэнцыял Магілёўскай вобласці.

Па выніках мерапрыемства адбылося падпісанне пратакола аб намерах па развіцці супрацоўніцтва паміж Бабруйскам і муніцыпіем Камрат АТА Гагаузія. Яшчэ адным дакументам стаў пратакол намераў па выкананні дагавора аб устанаўленні дружалюбных, пабрацімскіх сувязяў паміж адміністрацыяй Чадыр-Лунгскага раёна Гагаузіі і Быхаўскім раённым выканаўчым камітэтам ад 18 верасня 2015 года.

У праграме візіту таксама прайшла сустрэча Алега Чыкіды з кіраўніцтвам АТА Гагаузія. Акрамя таго, дэлегацыя Магілёўшчыны наведала шэраг перадавых прадпрыемстваў рэгіёна.