У Магілёве па праграме энергазберажэння ў 2017 годзе замянілі на святлодыёдныя 3,7 тыс. вулічных свяцільнікаў. Як паведаміў дырэктар прадпрыемства «Гарсвятло» Аляксандр Пашкевіч, гэта закранула як цэнтральныя вуліцы абласнога цэнтра, так і прыватнага сектара, дваровых тэрыторый.

Сучаснае святлодыёднае абсталяванне дае значную эканомію. Спажыванне электраэнергіі знізілася амаль на 2 млн. кВт/г., зэканомлена Br600 тыс. І гэтыя лічбы да канца года павялічацца. Эканомнымі святлодыёднымі свяцільнікамі прадпрыемства «Гарсвятло» забяспечвае магілёўскі завод «Зеніт».

Па матэрыяле ТРК «Магілёў»