На магілёўскім спарткомплексе «Тарпеда» зноў будзе заліты каток. Пасля трохгадовага перапынку сюды запросяць аматараў катання на каньках.

Апошнія гады гарадскія ўлады і ўжо былы ўладальнік аб’екта – аўтамабільны завод БелАЗ – спрабавалі дамовіцца аб тым, як яго эксплуатаваць. У Жодзіне, дзе знаходзіцца галоўнае прадпрыемства, лічылі немэтазгодным мець сацыяльны аб’ект удалечыні ад вытворчасці. У гэты час спарткомплекс прастойваў.

Гэтай восенню адбыўся пераход права ўласнасці. Новым гаспадаром «Тарпеда» стала Магілёўская школа алімпійскага рэзерву №2. Зараз на аб’екце ідуць рамонтныя работы. У планах зрабіць «Тарпеда» сучасным фізкультурна-аздараўленчым комплексам.

Па матэрыяле ТРК «Магілёў»