Музычна-літаратурны вечар «Японія – музычнае адлюстраванне ў Беларусі» адбудзецца 25 лістапада ў Магілёўскай дзяржаўнай гімназіі-каледжы мастацтваў. Мерапрыемства з’яўляецца часткай фестывалю «Японская восень у Беларусі 2017».

Штогод Пасольства Японіі ў Беларусі праводзіць для жыхароў Сінявокай цікавыя і яркія мерапрыемствы, якія раскрываюць розныя аспекты традыцыйнай і сучаснай культуры гэтай далёкай краіны. Увазе гасцей будзе прадстаўлена фотавыстава, экспазіцыя малюнкаў і эсэ на тэму «Японія вачыма навучэнцаў гімназіі-каледжа», аформлены куток друкаваных выданняў, якія адлюстроўваюць розныя бакі жыцця народа краіны ўзыходзячага сонца. Завершыць святочнае мерапрыемства канцэрт з яркімі нумарамі, падрыхтаванымі навучэнцамі гімназіі-каледжа.