Прадстаўніца Магілёўскай вобласці Ірына Курачкіна стала сярэбраным прызёрам моладзевага чэмпіянату свету (U-23) па барацьбе, які праходзіць у польскім Быдгашчы.

У вырашальным паядынку ў вагавой катэгорыі да 55 кг беларуска сустрэлася з прадстаўніцай Японіі Харунай Акуна. Саперніца была мацнейшай у фінале, а Курачкіна паднялася на другую прыступку п’едэстала гонару.

У ходзе турніру, саступаючы ў першым паядынку расіянцы Ніне Менкенавай, Ірына Курачкіна здолела пераламаць ход паядынку і святкавала поспех з лікам 10:2. У паядынку за выхад у фінал беларуска ўпэўнена перамагла саперніцу з Румыніі Сімону Прыкоб – 10:0.

У бягучым сезоне Ірына Курачкіна заваявала залаты медаль чэмпіянату Еўропы (U-23) у Венгрыі і бронзавую ўзнагароду дарослага чэмпіянату свету ў Парыжы. Беларуска таксама станавілася сярэбраным прызёрам моладзевага чэмпіянату Еўропы ў 2015 годзе ў польскім Валбжыху, а таксама дарослага кантынентальнага форуму ў 2016-м у Рызе.

БЕЛТА