Дні карэйскага кіно пройдуць у Магілёве з 30 лістапада па 2 снежня. Пра гэта паведамілі ў Магілёўскім дзяржаўным прадпрыемстве «Кінавідэапракат».

У гледачоў будзе магчымасць пазнаёміцца з культурай, традыцыямі, кінематографам Карэі. Падчас кінамерапрыемства ў кінатэатры «Радзіма» пройдзе рэтраспектыва трох кінастужак сучасных карэйскіх рэжысёраў. Прадстаўленыя фільмы будуць дэманстравацца на карэйскай мове з рускімі субтытрамі. Асаблівым падарункам для беларусаў стане музычная драма «Дурэсоры: голас Усходу» з беларускімі субтытрамі, адзначылі суразмоўцы.

Уваход вольны.