Міжрэгіянальная канферэнцыя «Кааперацыя вытворчасці, бізнесу і навукі ў прамысловасці: поспехі, праблемы, перспектывы» пройдзе 6 снежня ў Магілёве. Пра гэта паведаміў генеральны дырэктар Магілёўскай асацыяцыі прамыслоўцаў і прадпрымальнікаў Віктар Красоўскі.

У фармаце мерапрыемства адбудзецца пленарнае пасяджэнне з выступленнем прадстаўнікоў органаў мясцовага кіравання, кіраўнікоў прадпрыемстваў рэгіёна і распрацоўшчыкаў інавацыйнай прадукцыі, біржа дзелавых кантактаў з прэзентацыяй інавацыйных распрацовак, якія маюць высокі патэнцыял для камерцыялізацыі, а таксама выстава інавацыйных распрацовак і інавацыйнай прадукцыі (работ, паслуг) арганізацый Беларусі, распрацовак суб’ектаў малога прадпрымальніцтва ў сферы інавацыйнай дзейнасці, прапанаваных для ўкаранення на прадпрыемствах рэгiёна.

У праграме таксама запланавана правядзенне дзелавых перагавораў, заключэнне дагавораў аб супрацоўніцтве, пратаколаў аб намерах супрацоўніцтва.

Арганізатарамі мерапрыемства выступаюць Магілёўскі аблвыканкам пры арганізацыйнай падтрымцы Магілёўскай асацыяцыі прамыслоўцаў і прадпрымальнікаў, Магілёўскага агенцтва рэгіянальнага развіцця, Навукова-аналітычнага цэнтра інфармацыі, інавацый і трансферу тэхналогій.