Бясплатныя кінапаказы да Дня інвалідаў пройдуць 3 снежня ў кінатэатрах Магілёва. Пра гэта карэспандэнту сайта паведамілі ў дзяржаўным прадпрыемстве «Кінавідэапракат».

Па словах суразмоўцаў, у гэты дзень у кінатэатрах «Радзіма», «Чырвоная Зорка», «Космас» і «Ветразь» на экранах пакажуць 7 фільмаў. Уваход на сеансы для людзей з абмежаванымі магчымасцямі свабодны пры прад’яўленні пасведчання.