Горкі 15-17 снежня прымуць VI адкрыты чэмпіянат Магілёўскай вобласці па паўэрліфцінгу ў трохбор’і і IV адкрыты чэмпіянат Магілёўскай вобласці па паўэрліфцінгу у жыме штангі лежачы. Турніры адбудуцца ў спартыўным комплексе БДСГА.

У спаборніцтвах прымуць удзел зборныя каманды спартыўных арганізацый гарадоў і раёнаў рэгіёна. Мужчыны будуць змагацца ў вагавых катэгорыях да 59 кг, да 66 кг, да 74 кг, да 83 кг, да 93 кг, да 105 кг і звыш 105 кг, жанчыны – да 47 кг, да 52 кг, да 57 кг, да 63 кг, 72 кг, да 84 кг і звыш 84 кг.

Арганізатарамі мерапрыемстваў выступаюць упраўленне спорту і турызму Магілёўскага аблвыканкама, упраўленне выхаваўчай працы з моладдзю, кафедра фізічнага выхавання і спорту, прафкам студэнтаў, камітэт першаснай арганізацыі ГА «БРСМ» УА «БДСГА», ТАА «Белая Русь».