Традыцыйны міжнародны турнір па гандболе сярод мужчынскіх каманд на прыз маршала СССР, двойчы Героя Савецкага Саюза Івана Якубоўскага адбудзецца 9-10 снежня ў Горках. Спаборніцтва прыме мясцовая Лядовая арэна.

Удзельнікамі турніру стануць гандбалісты з Краснадара, Калінінграда, Брэста, Гродна і Лепеля. Магілёўшчыну будзе прадстаўляць каманда «Колас-Горкі».

Плануецца, што адкрые спаборніцтвы намеснік кіраўніка Беларускай федэрацыі гандбола, алімпійскі чэмпіён 1992 гады ў Барселоне Андрэй Барбашынскі.

Турнір праходзіць пад патранажам аддзела адукацыі, спорту і турызму Горацкага райвыканкама, ЦФАР і ДЮСШ з мэтай папулярызацыі гандбола і актыўнага ладу жыцця.