У Магілёве адзначаць 100-годдзе з дня ўтварэння органаў ЗАГСа Беларусі. Урачысты прыём, прысвечаны юбілейнай даце, адбудзецца 8 снежня ў культурна-забаўляльным цэнтры «Рэнесанс» (вул.Чалюскінцаў, 64а), паведамілі карэспандэнту сайта ў аддзеле ЗАГСа Магілёўскага гарвыканкама.

У мерапрыемстве прымуць удзел кіраўнікі аддзелаў ЗАГСа рэгіёна, ветэраны вобласці, прадстаўнікі галоўнага ўпраўлення юстыцыі Магілёўскага аблвыканкама, кіраўніцтва горада і вобласці, якое курыруе дзейнасць структуры.

У праграме ўрачыстасці запланавана фотавыстава рэгістрацый шлюбаў, дэманстрацыя фільма пра стогадовую гісторыю развіцця ЗАГСаў вобласці, афіцыйная частка і канцэртная праграма.

Сёння жыхароў Магілёўскай вобласці абслугоўвае 25 аддзелаў ЗАГСа.