Больш за 300 дзяўчат і юнакоў збярэ калядны дабрачынны баль у БДУ 12 снежня, як паведамілі ў прэс-службе ВНУ.

Падчас мерапрыемства адбудзецца дабрачынны аўкцыён з лотамі і таргамі, дзе ўсім удзельнікам будуць прапанаваны арыгінальныя ўпрыгожванні ручной працы, паслугі фатографаў, мастакоў, майстар-класы па танцах і вакале. Атрыманыя сродкі будуць накіраваны выхаванцам Асіповіцкай дзяржаўнай спецыяльнай агульнаадукацыйнай школы-інтэрната для дзяцей з парушэннем функцый апорна-рухальнага апарату.

Запамінальным стане выкананне вальса першакурсніцамі філалагічнага факультэта БДУ і курсантамі ваеннага факультэта Беларускай дзяржаўнай акадэміі авіяцыі. Таксама на Калядным балі выступяць артысты Творчага саюза БДУ.

Арганізатарамі мерапрыемства выступілі філалагічны факультэт і Творчы саюз ВНУ.

БЕЛТА