ДАІ Магілёўскай вобласці ўзмоцніць кантроль за захаваннем бяспекі пры перавозцы пасажыраў і грузаў арганізацыямі і індывідуальнымі прадпрымальнікамі.

Дзяржаўтаінспекцыя з 10 па 30 снежня правядзе шэраг прафілактычных і практычных мерапрыемстваў. У прыватнасці, пры наглядзе за дарожным рухам будуць выкарыстоўваць прыборы фота- і відэафіксацыі, задзейнічаюць грамадзянскія аўтамабілі, а інспектары выйдуць у рэйды ў паўсядзённым адзенні. Парушальнікі будуць прыцягнуты да адміністрацыйнай адказнасці.