Абласная прафсаюзная ёлка збярэ 26 снежня ў Магілёве 450 дзяцей. Святочнае мерапрыемства адбудзецца ў канцэртнай зале «Магілёў» у рамках традыцыйнай дабрачыннай акцыі «Прафсаюзы – дзецям». Дзяцей чакае займальнае навагодняе прадстаўленне, а таксама кілаграмовы салодкі падарунак.

На ёлку запрошаны дзеці членаў прафсаюза, а таксама выхаванцы замацаваных за Магілёўскім абласным аб’яднаннем прафсаюзаў дзіцячых устаноў адукацыі інтэрнатнага тыпу і сацыяльных прытулкаў. Пры выдзяленні білетаў прыярытэт быў аддадзены дзецям з малазабяспечаных сем’яў і дзецям-інвалідам.

Разам з Дзедам Марозам і Снягуркай хлопчыкі і дзяўчынкі прымуць удзел у вясёлай гульнявой праграме з карагодамі і зімовымі забавамі, а таксама ўбачаць музычную імпрэзу «Планета навагодніх ёлак». Разам з вясёлымі і смелымі казачнымі персанажамі маленькія жыхары рэгіёна адправяцца ў палёт да далёкіх планет, каб вярнуць чароўную зорку на галоўную ёлку галактыкі і выратаваць Новы год. Герояў чакаюць неверагодныя выпрабаванні: галавакружныя гонкі, зорныя віктарыны і захапляльныя сутычкі з касмічнымі разбойнікамі.

Абласная прафсаюзная ёлка займае важнае месца ў шэрагу мерапрыемстваў, якія праводзяцца ў рамках акцыі «Прафсаюзы – дзецям». Тым больш што добрая традыцыя дарыць дзецям свята напярэдадні Калядаў і Новага года існуе ў абласным аб’яднанні прафсаюзаў ужо больш за 10 гадоў.

Варта адзначыць, што напярэдадні зімовых святаў, акрамя правядзення дабрачыннай ёлкі, прафсаюзы аказваюць бязвыплатную дапамогу падшэфным установам ва ўмацаванні матэрыяльна-тэхнічнай базы, закупляюць іх выхаванцам прысмакі, арганізуюць паездкі на навагоднія казкі і паданні.

Галоўная мэта – не пакінуць без належнай увагі і доўгачаканага падарунка ні аднаго дзіцяці. Менавіта таму акцыя «Прафсаюзы – дзецям» носіць круглагодны характар і прадугледжвае аказанне рэальнай спонсарскай дапамогі не толькі да навагодніх і калядных святаў.