Больш за 8 тыс. непрацаздольных грамадзян Магілёўскай вобласці з пачатку года атрымала матэрыяльную дапамогу са сродкаў Фонду сацыяльнай абароны насельніцтва на суму больш Вr500 тыс., паведаміла намеснік старшыні камітэта па працы, занятасцi i сацыяльнай абароне аблвыканкама Вераніка Дзямідава.

Атрымальнікамі дапамогі сталі грамадзяне пенсійнага ўзросту і інваліды. Сумесна з зацікаўленымі службамі немалая работа праведзена ў вобласці і для бяспечнага пражывання грамадзян, якія знаходзяцца ў сацыяльна слабым становішчы. Так, у домаўладаннях за кошт розных крыніц фінансавання адрамантаваны 653 печы, рамонт і замена электраправодкі зроблена ў 322 дамах. Таксама ўстаноўлена 2 878 аўтаномных пажарных апавяшчальнікаў, у тым ліку 634 з вывадам сігналу на вонкавыя прылады.

«Дзякуючы безупыннай працы з году ў год у дадзеным напрамку ў рэгіёне назіраецца пастаянная тэндэнцыя зніжэння колькасці пажараў і гібелі на іх людзей сталага ўзросту і інвалідаў. Але нашым грамадзянам трэба разумець, што не толькі дзяржава павінна клапаціцца пра бяспеку, а перш за ўсё самім неабходна надаваць ёй першарадную ўвагу, выконваючы элементарныя правілы бяспекі жыццядзейнасці», – адзначыла Вераніка Дзямідава.

БЕЛТА