У Магілёўскай вобласці аддзяленнямі сацыяльнай дапамогі дома абслугоўваюцца больш за 12 тыс. непрацаздольных грамадзян, паведаміла старшыня камітэта па працы, занятасцi i сацыяльнай абароне аблвыканкама Вераніка Дзямідава.

«Найбольшым попытам у насельніцтва карыстаюцца паслугі па куплі і дастаўцы на дом прадуктаў харчавання, уборцы жылых памяшканняў, аказанні дапамогі ў падрыхтоўцы ежы, набыцці лекаў і іншыя. Таксама мы аказваем дапамогу пажылым людзям праз аддзяленні дзённага знаходжання, іх у вобласці ўжо 20, стараемся арганізаваць вольны час для наведвальнікаў, што спрыяе іх зносінам і падтрыманню актыўнага ладу жыцця», – адзначыла суразмоўца.

У аддзяленнях праводзяцца культурна-масавыя і спартыўныя мерапрыемствы, працуюць гурткі, клубы па інтарэсах. Гэта дэкаратыўна-прыкладная творчасць; знаёмства з вядзеннем здаровага ладу жыцця, правільнага харчавання; заняткі ёгай і скандынаўскай хадой; вывучэнне замежных моў і інш.

«Пажылыя людзі, якія наведваюць нашы аддзяленні, выязджаюць на экскурсіі па вобласці, рэспубліцы. У камп’ютарных класах яны з нуля асвойваюць камп’ютар, вучацца карыстацца інтэрнэтам, мець зносіны з сябрамі праз Skype, аплачваць з дапамогай інтэрнэту камунальныя паслугі і заказваць талон на прыём да ўрача», – зазначыла расказала Вераніка Дзямідава.

БЕЛТА