Эканамічны суд Магілёўскай вобласці адкрыў конкурсную справу у дачыненні да ААТ «Магілёўрыба», паведамілі ў судзе.

Суд устанавіў, што прадпрыемства з’яўляецца неплацежаздольным і яго неплацежаздольнасць набывае ўстойлівы характар па прычыне наяўнасці нездавальняльнай структуры балансу. З 2013 года ААТ працавала са стратамі, а з пачатку 2016 года спыніла вытворчую дзейнасць. З 2016 года крыніцай даходу прадпрыемства стала прадастаўленне ў арэнду іншым арганізацыям складскіх памяшканняў і халадзільных камер. На дату падачы заявы ў суд сума крэдыторскай запазычанасці даўжніка складала Br2,7 млн.

Дата наступнага судовага паседжання прызначана на 16 сакавіка 2018 года.

ААТ «Магілёўрыба» створана шляхам пераўтварэння камунальнага вытворча-гандлёвага ўнітарнага прадпрыемства «Магілёўскі рыбакомплекс» і зарэгістравана ў Адзіным дзяржаўным рэгістры юрыдычных асоб і індывідуальных прадпрымальнікаў 29 студзеня 2013 года. Асноўныя віды дзейнасці – рыбаводства, перапрацоўка і кансерваванне рыбы і рыбных прадуктаў.

БЕЛТА