Адразу некалькі вадаёмаў прапануюць у арэнду ў Крычаўскім раёне, паведамілі ў раённым Савеце дэпутатаў. У гэтым спісе самы вялікі водны аб’ект – сажалка каля вёскі Калініна плошчай больш за 50 га. Астатнія вадаёмы меншыя і знаходзяцца ў іншых населеных пунктах. Гэта межы аграгарадкоў Бацвінаўка, Бель-1 і вёскі Малінаўка.

На Крычаўшчыне будучым арандатарам прапануюць заняцца рыбаводствам, арганізаваць рыбалку, уладкаваць зоны адпачынку на беразе. Азёры і сажалка, для якіх шукаюць часовых гаспадароў, знаходзяцца ў здавальняльным стане. Але арандатары будуць праводзіць тут неабходныя работы, у тым ліку зарыбленне і выдаленне дзікай расліннасці на берагах.

ТРК «Магілёў»