Тром майстрам саломапляцення Магілёўскай вобласці прысвоена званне «Народны майстар Рэспублікі Беларусь». Такое рашэнне было прынята на пасяджэнні экспертнай камісіі пры Беларускім саюзе майстроў народнай творчасці.

Ганаровага звання ўдастоены Алена Зушчык і Ірына Хізанейшвілі з Горак, а таксама Ірына Кухціна з Быхава.

Акрамя таго, пацвердзілі свой прафесіяналізм народныя майстры Беларусі Тамара Багдановіч і Галіна Сцепанькова (лазапляценне, Горкі), Таццяна Фяськова (лазапляценне, Магілёў), Вольга Сыцікава (мастацкае афармленне лёну, Магілёў) і Таццяна Чараповіч (валянне, Дрыбін).