У канцэртнай зале «Магілёў» (вул. Першамайская, 10) 1 лютага ў 11.00 пройдзе кастынг абласнога этапу Нацыянальнага конкурсу «Міс Беларусь 2018».

Акрамя пераможцаў рэгіянальнага этапу, у спаборніцтве могуць прыняць удзел дзяўчаты з добрымі знешнімі дадзенымі, адпаведныя ніжэйпрыведзеным патрабаванням:

– маюць грамадзянства Рэспублікі Беларусь і пастаянна пражываюць на яе тэрыторыі (незалежна ад месца вучобы, працы);

– узрост ад 18 да 24 гадоў уключна на дату правядзення фіналу;

– рост, не ніжэйшы за 174 см;

– не маюць на целе татуіровак і пірсінгу;

– ніколі не бралі шлюб;

– не маюць дзяцей.

Заяўкі ў вольнай форме з указаннем узросту, росту, месца рэгістрацыі, месца працы ці вучобы, мабільнага тэлефона для ўдзелу ў конкурсе прымаюцца па адрасе: г. Магілёў, вул. Першамайская, 89 (інфармагенцтва «Магілёўскія ведамасці»), каб.80.

Падрабязную інфармацыю аб умовах і парадку правядзення Нацыянальнага конкурсу прыгажосці «Міс Беларусь – 2018» можна даведацца ў інструкцыі, зацверджанай пастановай Міністэрства культуры Рэспублікі Беларусь ад 19 ліпеня 2017 г. № 39 або на сайце АНТ.