З 20 студзеня па 30 чэрвеня на палігоне «Асіповіцкі» будуць праходзіць баявыя стрэльбы артылерыйскіх падраздзяленняў Узброеных Сіл Рэспублікі Беларусь. Пра гэта паведаміў начальнік палігона вайсковай часці 12147 Андрэй Зацарынны.

Ён падкрэсліў, што несанкцыяванае пранікненне сюды смяротна небяспечнае. «Тэрыторыя палігона з’яўляецца зонай, дзе знаходжанне грамадзянскіх асоб забаронена, – адзначыў суразмоўца. – Адпаведна, там не дапускаецца нарыхтоўка дроў, выпас жывёлы і г.д. Акрамя таго, за збор снарадаў і іншых выбухованебяспечных прадметаў, якія знаходзяцца на палігоне, прадугледжана крымінальная адказнасць».