Завяршыць работы па рамонце радзільнага аддзялення пры Магілёўскай гарадской бальніцы хуткай медыцынскай дапамогі будаўнікі абяцаюць да канца 2018 года. На капітальны рамонт і рэканструкцыю накіруюць Br8 млн. 825 тыс. Фінансаванне прадугледжана рэгіянальнай інвестыцыйнай праграмай на бягучы год, паведамілі ў камітэце па архітэктуры і будаўніцтве Магілёўскага аблвыканкама.

Частка сумы пойдзе на завяршэнне работ у блоку «В» радзільнага аддзялення, якія пачаліся тут у 2017-м. Аб’ект плануецца ўвесці ў эксплуатацыю ўжо ў маі-чэрвені. Да гэтага часу заменяць таксама бальнічныя ліфты. Акрамя таго, у гэтым годзе прадугледжваецца правесці капітальны рамонт і рэканструкцыю ў блоку «А» з перапланіроўкай памяшканняў.

ТРК «Магілёў»