Чатыры пажары адбылося за выхадныя дні ў Магілёўскай вобласці. У ходзе аператыўнай работы ўдалося выратаваць два жылыя дамы, чатыры гаспадарчыя будынкі, паведаміла карэспандэнту сайта старшы інспектар Цэнтра бяспекі жыццядзейнасці і ўзаемадзеяння з грамадскасцю Магілёўскага абласнога ўпраўлення МНС Вольга Нехарошых.

Ахвярай агню стаў 87-гадовы жыхар в. Зара Круглянскага раёна. Пажар адбыўся каля гадзіны ночы 22 студзеня. Мясцовыя жыхары выявілі ўзгаранне, калі хата ўжо палала. Пад абваленымі канструкцыямі без прыкмет жыцця быў знойдзены гаспадар. У выніку пажару знішчаны дах, маёмасць, пашкоджана перакрыцце, сцены ў доме.

Праверку па факце гібелі праводзіць Круглянскі раённы аддзел следчага камітэта. Прычына пажару высвятляецца.