У рэгіёне за суткі адбыўся адзін пажар, які забраў жыццё чалавека. Пра гэта паведаміла старшы інспектар Цэнтра бяспекі жыццядзейнасці і ўзаемадзеяння з грамадскасцю Магілёўскага абласнога ўпраўлення МНС Вольга Нехарошых.

30 студзеня каля 11 гадзін вечара ў службу МНС паступіла паведамленне пра пажар у бытоўцы, размешчанай па вул. Энгельса ў Круглым. Полымя бушавала на тэрыторыі ТАА «Цагельны завод «Усходні»». Агонь цалкам знішчыў драўляную бытоўку. Не пашкадавала стыхія і 58-гадовага мужчыну, які знаходзіўся ўнутры.

Прычына пажару высвятляецца. Па папярэдніх дадзеных узгаранне адбылося праз неасцярожнасць пры курэнні.