Беларускія біятланісткі – Надзея Скардзіна, Ірына Крыўко, Дзінара Алімбекава, Дар’я Домрачава заваявалі залатыя ўзнагароды ў эстафеце 4х6 км на зімовых Алімпійскіх гульнях у Пхенчхане.

Спартсменка з Магілёўскай вобласці Дзінара Алімбекава падзялілася ўражаннямі ад выступлення ў эстафеце, якая стала залатой для айчынных біятланістак.

Самая маладая спартсменка з чэмпіёнскага квартэта змагла ўтрымацца ў групе лідараў у мінулай гонцы, а пасля стральбы стоячы і зусім пайшла на дыстанцыю першай. «Старалася на сваім этапе ў эстафеце і рада за ўсю беларускую каманду. Са старту ўсё зрабіла добра, а затым трохі падсела. Галоўнае было не памыліцца», – адзначыла Дзінара Алімбекава.

Дзінара Алімбекава выступіла ў эстафеце на трэцім этапе. Беларускі змаглі ў выніку фінішаваць першымі і заваяваць залатую ўзнагароду зімовых Гульняў у Пхенчхане.

БЕЛТА