За студзень 2018 года ў кансалідаваны бюджэт Магілёўскай вобласці паступіла Br 110,7 млн. У структуры падатковых паступленняў лідзіруюць арганізацыі дзяржаўнага сектара эканомікі. На іх долю прыпадае 51,5% агульных паступленняў, што складае Br57 млн., паведамілі карэспандэнту сайта ў прэс-цэнтры інспекцыі МПЗ Рэспублікі Беларусь па Магілёўскай вобласці.

Арганізацыі недзяржаўнага сектара ўнеслі ў бюджэт Br42,2 млн. (38,1%), індывідуальныя прадпрымальнікі – Br 8,4 млн. (7,6%), фізічныя асобы – Br3,1 млн. (2,8%).

Усяго на Магілёўшчыне 381,5 тыс. плацельшчыкаў, у тым ліку 13, 3 тыс. арганізацый недзяржаўнага сектара, 2,4 тыс. арганізацый дзяржаўнага сектара, 22,6 тыс. індывідуальных прадпрымальнікаў і 343,2 тыс іншых фізічных асоб.