У Беларусі спрошчаны патрабаванні да здачы ў арэнду жылых памяшканняў фізічнымі асобамі. Гэта прадугледжана ўказам №103, які Прэзідэнт Беларусі Аляксандр Лукашэнка падпісаў 5 сакавіка, паведамілі ў прэс-службе кіраўніка дзяржавы.

У прыватнасці, дакументам для нарматыўнага замацавання падыходаў да стымулявання дзелавой актыўнасці грамадзян спрашчаюцца патрабаванні, устаноўленыя жыллёвым заканадаўствам, да формы дагавораў аб прадастаўленні жылых памяшканняў, садовых домікаў і дач, якія належаць фізічным асобам, для кароткатэрміновага пражывання ў іх іншым фізічным асобам. Цяпер яны могуць заключацца як у пісьмовай, так і ў вуснай форме.

Адначасова выключаны абавязак рэгістраваць такія здзелкі ў мясцовых выканаўчых і распарадчых органах.

БЕЛТА