XV адкрыты турнір «Інтэрбаскет» сярод юнацкіх каманд гарадоў-пабрацімаў і гарадоў-партнёраў Магілёва адбудзецца ў абласным цэнтры 2-5 красавіка. Гульні будуць праходзіць на базе Дома спорту, паведамілі ў аддзеле адукацыі, спорту і турызму гарвыканкама.

Плануецца, што за галоўны прыз спаборніцтваў пазмагаюцца каманды са Звянігарада, Тулы, Смаленска, Волагды, Бранска, Пензы, Санкт-Пецярбурга і Магілёва.

Па выніках турніру камандам, якія занялі прызавыя месцы, уручаць кубкі, а баскетбалістам – медалі і дыпломы адпаведных ступеняў. Таксама адзначаць пераможцаў конкурсу штрафных і трохачковых кідкоў, вызначаць лепшых ігракоў у кожнай камандзе і ў цэлым пятнаццатага сезона спаборніцтваў.

Адкрыццё турніру адбудзецца 3 красавіка ў 12.30, закрыццё – 5 красавіка ў 15.00. Уваход на спаборніцтвы свабодны.