З нагоды Свята працы прадпрыемствы рэгіёна разгорнуць гандлёвыя рады ў Камсамольскім скверы Магілёва. Пра гэта паведамілі ва ўпраўленні гандлю і паслуг гарвыканкама.

Удзельнікамі кірмашовага мерапрыемства стануць «Магілёўхлебапрадукт», «Булачна-кандытарская кампанія «Дамачай»», Магілёўскае раённае спажывецкае таварыства, ПГУП «Карабін-Энд», «Альмагра» і «Грыль-бар», «Бабушкина крынка», ТДА «Дубль Б» і «Эфікс», «Магілёўская фабрыка марожанага», а таксама рамеснікі і індывідуальныя прадпрымальнікі. Яны прапануюць жыхарам і гасцям горада на Дняпры кулінарныя і кандытарскія вырабы, харчовыя і нехарчовыя тавары, прадукцыю грамадскага харчавання (бліны, шашлыкі, дранікі і г. д.), безалкагольныя і алкагольныя напоі (за выключэннем пладова-ягадных) і інш.

Час працы гандлёвых радоў 1 мая – з 11.00 да 21.00.