Беларускія школьнікі будуць вучыцца па раскладзе панядзелка ў працоўную суботу 28 красавіка, паведамілі ў прэс-службе Міністэрства адукацыі.

«Школьнікі будуць вучыцца 28 красавіка па раскладзе панядзелка за 30 красавіка. Гэтак жа, як і навучэнцы прафесійна-тэхнічных і сярэдніх спецыяльных устаноў адукацыі», – праінфармавалі ў ведамстве.

Акрамя гэтага, у звычайным рэжыме будуць працаваць дзіцячыя сады. Установы дадатковай адукацыі дзяцей і моладзі ў працоўную суботу правядуць заняткі па сваіх праграмах.

БЕЛТА