У Магілёве на спартыўна-трэніровачнай базе пейнтбольнага клуба «Рубікон» прайшоў I этап адкрытага чэмпіянату Беларусі па спартыўным пейнтболе. У спаборніцтве прынялі ўдзел зборныя каманды з Сінявокай, Латвіі і Расіі.

З прывітаннямі да спартсменаў звярнуліся старшыня Магілёўскай абласной арганізацыйнай структуры ДТСААФ Аляксандр Мазур, старшыня грамадскага аб’яднання «Беларуская федэрацыя пейнтбола» Максім Дземідзенка, галоўны суддзя спаборніцтваў Аляксандр Пісаронак. Права падняць сцяг спаборніцтва было прадстаўлена спартсменам магілёўскай каманды – Віталю Аўсяйкову і Аляксею Іванову. Затым на пейнтбольным полі была гульня – упартая і напружаная.

Чэмпіёнам у дывізіёне I стала каманда «Фрыстайл» (Масква), сярэбраным прызёрам – «Рубікон» (Магілёў), бронза – у каманды «Бэд Компані» з Латвіі.

Месца ў дывізіёне II размеркаваліся наступным чынам: першае месца – «Inglorious» (Расія), другое – «Юнацтва» (Мінск), трэцяе – «Рубікон – 2» (Магілёў).

Арганізатары спаборніцтва ўзнагародзілі пераможцаў, прызёраў і найлепшых ігракоў кубкамі, медалямі, дыпломамі і сувенірамі.