У Магілёўскай вобласці ў летні перыяд з выкарыстаннем сродкаў рэспубліканскага бюджэту плануецца аздаравіць 42,1 тыс. дзяцей. Пра гэта паведаміў начальнік Магілёўскага абласнога ўпраўлення Рэспубліканскага цэнтра па аздараўленні і санаторна-курортным лячэнні насельніцтва Юрый Яфімаў.

У лагерах з кругласутачным знаходжаннем плануецца аздаравіць 17 460 школьнікаў, з іх 2022 – у спартыўна-аздараўленчых лагерах. У дзённых – 24 640 дзяцей, у тым ліку 7677 – у спартыўна-аздараўленчых лагерах.

У летні аздараўленчы перыяд у вобласці будзе працаваць 17 стацыянарных кругласутачных лагераў і 3 арандаваных – на базе санаторна-курортных арганізацый. Таксама плануецца арганізацыя працы больш за 500 дзённых, па 100 профільных і лагераў працы і адпачынку.

«Для своечасовай падрыхтоўкі лагераў да сезона ў вобласці распрацаваны і зацверджаны план першачарговых мерапрыемстваў па падрыхтоўцы іх матэрыяльна-тэхнічнай базы. Зараз працы вядуцца на ўсіх стацыянарных аб’ектах. На гэтыя мэты з рэспубліканскага бюджэту выдзелена Вг50,3 тыс., якія размеркаваны паміж лагерамі прапарцыйна наяўнасці ў іх месцаў. З абласнога бюджэту выдзелена Вг189 тыс. для ўласнікаў небюджэтных арганізацый», – сказаў Юрый Яфімаў.

Адкрыццё лагераў масава пачнецца 1-3 чэрвеня і па графіку, з максімальнай загрузкай у 4-зменным рэжыме.

БЕЛТА