Больш за 600 удзельнікаў з пяці краін выступяць на XVII Міжнародным фестывалі дзіцячай творчасці «Залатая пчолка» ў Клімавічах. Форум пройдзе з 31 мая па 3 чэрвеня, паведамілі ў аддзеле ідэалагічнай работы, культуры і па справах моладзі Клімавіцкага райвыканкама.

Плануецца, што ў музычным свяце прымуць удзел юныя таленты з Беларусі, Расіі, Балгарыі, Малдовы і Украіны.

Традыцыйна фестываль прадугледжвае конкурсную праграму ў дзвюх узроставых катэгорыях: малодшая (9-12 гадоў) і старэйшая (13-16 гадоў). Праслухоўванні і прагляды будуць праводзіцца па намінацыях: «Вакальнае мастацтва», «Салісты» («Эстрадныя спевы», «Народныя спевы»), «Ансамблі» («Эстрадныя спевы», «Народныя спевы»), «Харэаграфічнае мастацтва», «Калектывы эстраднага танца», «Калектывы народна-сцэнічнага танца».

Падчас «Залатой пчолкі» раённы цэнтр напоўняць выступленні ўдзельнікаў і гасцей, выставы дэкаратыўна-прыкладнога і выяўленчага мастацтва, кірмашы, гала-канцэрты, майстар-класы вядучых педагогаў, членаў журы фэсту і іншыя культурныя мерапрыемствы.

Кожны дзень форуму будзе тэматычным. Адкрые фестываль «Дзень беларускай гасціннасці». У гарадскім парку пачне працу тэатралізаваная фальклорная выставачна-гандлёвая экспазіцыя «Карагод беларускай гасціннасці» з удзелам творчых калектываў, майстроў дэкаратыўна-прыкладнога мастацтва, гульнявых і акцёрскіх груп устаноў культуры Клімавіцкага раёна, навучэнцаў дзіцячых школ мастацтваў, выхаванцаў і выкладчыкаў мясцовага Дома рамёстваў, раённага цэнтра сацыяльнага абслугоўвання насельніцтва. Таксама будзе арганізавана святочная шоу-праграма з правядзеннем жараб’ёўкі канкурсантаў, выступленнем беларускіх калектываў і выканаўцаў. Завершыць дзень дыскамарафон і бліц-конкурс «Міс фестывалю «Залатая пчолка»».

«Дзень шчаслівага дзяцінства» прымяркуюць да міжнароднага Дня абароны дзяцей. Праграмай фестывалю запланаваны конкурсныя праслухоўванні ўдзельнікаў, а таксама «Вернісаж фестываляў Магілёўшчыны». Тут размесцяцца прэзентацыйныя пляцоўкі ўстаноў культуры і адукацыі Прыдняпроўскага краю, свае брэнды прадставяць раёны вобласці: Кіраўскі – фестываль сена «Сенафэст-2018», Чавускі – этнаграфічнае свята «У госці да радзімічаў», Касцюковіцкі – свята паэзіі і аўтарскай песні «Пісьмянкоў луг», Мсціслаўскі – «Рыцарскі фэст» і інш. Далей адбудзецца вечар знаёмстваў для арганізатараў і ўдзельнікаў «Залатой пчолкі», а таксама ўрачыстае адкрыццё фестывалю, феерверк і фаер-шоу.

Тэатралізаваная інтэрактыўная пляцоўка «Арт-праспект дружбы» адкрыецца ў «Дзень садружнасці нацыянальных традыцый». Яе наведвальнікаў чакаюць выступленні акцёраў тэатра жывых скульптур і хадулістаў, тэатраў з дзіцячымі забаўляльнымі праграмамі, інтэрактыўныя зоны «Шоу мыльных бурбалак» і навукова-забаўляльнага творчага праекта «Адкрывашкі», вернісаж майстроў аквагрыму. Будуць працаваць прэзентацыйныя астраўкі краін-удзельніц фестывалю з фотавыставамі, экспазіцыямі афіш, сувеніраў і нацыянальных сімвалаў, сэлфі-цэнтрамі. На плошчы Вялікага Кастрычніка правядуць конкурс дзіцячага малюнка на асфальце «Мой родны кут». Тут жа адбудзецца форум фарбаў Холі. Са святочным канцэртам выступяць удзельнікі «Залатой пчолкі». Спонсары прадставяць праграму «Падарунак фестывалю».

Цэнтральнымі мерапрыемствамі «Дня сугучча талентаў» стануць святочнае шэсце «Віват, дзяцінства!», цырымонія ўзнагароджання лаўрэатаў XVII Міжнароднага фестывалю дзіцячай творчасці «Залатая пчолка» і заключны гала-канцэрт.

«Форум даказаў сваё права на жыццё, паколькі служыць вельмі важным і высакародным мэтам. Ён спрыяе развіццю дзіцячай творчасці і эстэтычнага выхавання юнацтва, пашырае і ўмацоўвае міжнародныя культурныя сувязі, дапамагае рэалізацыі патэнцыялу таленавітай моладзі, павышае прафесійнае майстэрства кіраўнікоў і педагогаў творчых калектываў і выканаўцаў»,– падкрэслілі суразмоўцы.

Фестываль дзіцячай творчасці «Залатая пчолка» праходзіць у Клімавіцкім раёне з 1996 года. У 2001-м конкурс атрымаў статус міжнароднага. Лаўрэатамі форуму ў розныя гады былі Ксенія Сітнік, Андрэй Кунец, Ганна Мушак, Лідзія Заблоцкая і інш. Раней фэст цешыў гасцей і жыхароў рэгіёна адзін раз на два гады. Пачынаючы з 2017-га прынята рашэнне праводзіць «Залатую пчолку» штогод.

Арганізатарамі музычнага форуму выступаюць Клімавіцкі раённы выканаўчы камітэт, Магілёўскі абласны выканаўчы камітэт, Міністэрства культуры Беларусі.

 

Праграма XVII Міжнароднага фестывалю дзіцячай творчасці «Залатая пчолка»

 

31 мая (чацвер)

«Дзень беларускай гасціннасці»

10.00 – 13.00

Заезд, сустрэча, акрэдытацыя, рассяленне ўдзельнікаў фестывалю.

ДУА «Клімавіцкая дзіцячая школа мастацтваў», плошча Вялікага Кастрычніка

 

10.00 – 13.00

Святочныя тэматычныя праграмы-сустрэчы дэлегацый-удзельнікаў фестывалю.

ДУА «Клімавіцкая дзіцячая школа мастацтваў», плошча Вялікага Кастрычніка

 

13.00 – 21.00

Праца тэатралізаванай фальклорнай выставачна-гандлёвай экспазіцыі «Карагод беларускай гасціннасці» з удзелам творчых калектываў, майстроў дэкаратыўна-прыкладнога мастацтва, гульнявых і акцёрскіх груп устаноў культуры Клімавіцкага раёна, навучэнцаў дзіцячых школ мастацтваў, навучэнцаў і выкладчыкаў Клімавіцкага раённага Дома рамёстваў, РЦСАН.

Гарадскі парк.

 

12.00 – 20.00

«Сонечны калейдаскоп» – тэматычная забаўляльная пляцоўка з выставай-продажам беларускай сувенірнай прадукцыі, цацак, праца дзіцячых атракцыёнаў, гульнявой пляцоўкі «Формула дзіцячай радасці».

Плошча Вялікага Кастрычніка, гарадскі парк

 

14.00 – 15.00

Абед.

 

15.00 – 19.00

Свята «Фестывальная краіна» – тэматычныя канцэртныя праграмы з удзелам дзіцячых творчых калектываў Клімавіцкага раёна, выстава дзіцячых малюнкаў і работ дэкаратыўна-прыкладнога мастацтва «Мой родны кут», навучэнцаў дзіцячых школ мастацтваў, дзіцячых школ мастацкіх рамёстваў, сярэдніх школ Клімавіцкага раёна.

Малая сцэна фестывалю, плошча Вялікага Кастрычніка

 

15.00 – 18.00

Экскурсіі па гістарычных мясцінах Клімавіцкага раёна.

 

18.00 – 18.45

Вячэра.

 

19.00 – 21.00

Святочная шоу-праграма «Фестывальнае сузор’е талентаў Залатой пчолкі» – святочнае дзейства з правядзеннем жараб’ёўкі ўдзельнікаў конкурсу фестывалю і выступленнем творчых калектываў і выканаўцаў Рэспублікі Беларусь.

Галоўная сцэна фестывалю, амфітэатр

 

20.30 – 23.00

Фестывальны дыска-марафон з удзелам творчых калектываў і выканаўцаў – прадстаўнікоў краін-удзельніц фестывалю, бліц-конкурс сярод удзельніц фестывалю «Міс фестывалю Залатая пчолка».

Галоўная сцэна фестывалю, амфітэатр

 

1 чэрвеня (пятніца)

«Дзень шчаслівага дзяцінства»

Свята, прысвечанае Міжнароднаму Дню абароны дзяцей «Пакаленне 21 галасуе за МІР!»

 

8.00 – 9.00

Сняданак.

 

10.00 – 17.00

Конкурсныя праслухоўванні ўдзельнікаў фестывалю.

 

13.00 – 14.00

Абед.

 

10.00 – 22.00

«Сонечны калейдаскоп» – тэматычная забаўляльная пляцоўка з выставай-продажам беларускай сувенірнай прадукцыі, цацак, праца дзіцячых атракцыёнаў, гульнявой пляцоўкі «Формула дзіцячай радасці».

Плошча Вялікага Кастрычніка, гарадскі парк

 

11.00 – 22.30

«Вернісаж фестываляў Магілёўшчыны» – святочная тэатралізаваная экспазіцыя тэматычных прэзентацыйных пляцовак устаноў культуры і адукацыі раёнаў Магілёўскай вобласці, фестывальныя брэнды Магілёўшчыны» ў рамках Года малой радзімы ў Беларусі – тэатралізаваныя выставачна-гандлёвыя экспазіцыі устаноў культуры, Цэнтралізаваных клубных сістэм і дзіцячых школ мастацтваў раёнаў вобласці, творчыя прэзентацыі работ майстроў дэкаратыўна-прыкладнога мастацтва, работы выставачных экспазіцый з майстар-класамі і дэманстрацыяй тэхналагічнага працэсу, тэматычнымі і тэатралізаванымі праграмамі – прэзентацыямі фестываляў-рэгіянальных брэндаў (гульнявымі праграмамі і атракцыёнамі, продажам тэматычнай сувенірнай прадукцыі з сімволікай рэгіянальных фестываляў):

адкрыты раённы фестываль сена «Сенафэст-2018» (Кіраўскі раён);

этнаграфічнае свята «У госці да радзімічаў» (Чавускі раён);

абласное свята паэзіі і аўтарскай песні «Пісьмянкоў луг» (Касцюковіцкі раён);

рэгіянальны фестываль народнай творчасці, народных промыслаў і рамёстваў «Дрыбінскія таржкі» (Дрыбінскі раён);

свята сярэднявечнай культуры «Рыцарскі фэст» (Мсціслаўскі раён);

абласное свята «Народная прыпеўка» (Слаўгарадскі раён);

«Свята агурка» – традыцыйнае свята г. Шклова;

фестываль народнай творчасці і рамёстваў «Глушанскі хутарок» (Бабруйскі раён);

абласное свята «Веснавыя колеры» (Асіповіцкі раён);

міжрэгіянальны фестываль – свята аматарскіх тэатраў «Тэатральныя вечарыны» (Краснапольскі раён).

Гульня-квэст «Фестывальная вандроўка».

Выставачна-гандлёвая экспазіцыя тэматычнай сувенірнай прадукцыі «Залатая пчолка».

Гарадскі парк

 

12.00 – 23.00

Работа гандлёва-выставачных экспазіцый прадпрыемстваў гандлю Клімавіцкага раёна і Магілёўскай вобласці «Салодкае лета». Продаж сувенірнай прадукцыі, упрыгожванняў, цацак.

Вуліца Камуністычная, Першамайская

 

15.00

Пасяджэнне Клуба ганаровых землякоў.

Райвыканкам

 

18.00 – 19.00

Вячэра.

 

19.00 – 20.00

Вечар знаёмстваў арганізатараў і гасцей фестывалю «Залатое свята дзяцінства».

Зала пасяджэнняў райвыканкама.

 

20.30 – 22.30

«Свет, Зямля, твайму вялікаму дому!» – святочнае адкрыццё XVII Міжнароднага фестывалю дзіцячай творчасці «Залатая пчолка».

Галоўная сцэна фестывалю, амфітэатр

 

22.30

Святочны феерверк, фаер-шоу.

Плошча Вялікага Кастрычніка

 

2 чэрвеня

«Дзень садружнасці нацыянальных традыцый»

Свята «Арт масты»

 

8.00 – 9.00

Сняданак.

 

10.00

Конкурсныя праслухоўванні удзельнікаў фестывалю.

 

10.00 – 23.00

Работа гандлёва-выставачных экспазіцый прадпрыемстваў гандлю Клімавіцкага раёна і Магілёўскай вобласці «Салодкае лета». Продаж сувенірнай прадукцыі, упрыгожванняў, цацак.

Вуліца Камуністычная, Першамайская

 

10.00 – 21.00

Выстава-продаж вырабаў дэкаратыўна-прыкладнога і выяўленчага мастацтва, майстар-класы з дэманстрацыяй тэхналагічнага працэсу вырабу майстроў дэкаратыўна-прыкладнога і выяўленчага мастацтва Магілёўшчыны «Фестывальныя ўзоры».

 

10.00 – 14.00

Праца тэматычнай пляцоўкі «Бяспечнае дзяцінства» (паказальныя выступленні і конкурсныя праграмы, падрыхтаваныя ўпраўленнем МНС па Магілёўскай вобласці).

Плошча Вялікага Кастрычніка, гарадскі парк

 

11.00 – 21.00

Святочная тэатралізаваная інтэрактыўная пляцоўка «Арт-праспект дружбы» – выступленне акцёраў тэатра жывых скульптур і акцёраў на хадулях, інтэрактыўныя пляцоўкі «Шоу мыльных бурбалак», навукова-забаўляльнага творчага праекта «Адкрывашкі», вернісаж майстроў аквагрыму, выступленне вулічных тэатраў з дзіцячымі забаўляльнымі праграмамі.

Гарадскі парк, плошча Вялікага Кастрычніка

 

11.00 – 21.00

Святочная інтэрактыўная экспазіцыя (арт-цэнтр фестывальнага дня) – тэматычныя прэзентацыйныя пляцоўкі краін-удзельніц фестывалю, фота-выставы, выставы афіш калектываў-удзельнікаў, выставы сувеніраў і нацыянальных сімвалаў дэлегацый, сэлфі-цэнтры дэлегацый.

Гарадскі парк, амфітэатр

 

12.00 – 23.00

Работа гандлёва-выставачных экспазіцый прадпрыемстваў гандлю Клімавіцкага раёна і Магілёўскай вобласці «Салодкае лета». Продаж сувенірнай прадукцыі, упрыгожванняў, цацак.

Вуліца Камуністычная, Першамайская

 

12.00 – 16.00

Конкурс дзіцячага малюнка на асфальце «Мой родны кут».

Плошча Вялікага Кастрычніка

 

13.00 – 14.00

Абед.

 

14.00 – 16.00

Фестываль фарбаў Холі.

Малая сцэна, плошча Вялікага Кастрычніка

 

15.00 – 17.30

Святочны канцэрт «АРТ масты дружбы» – выступленне ўдзельнікаў фестывалю.

Галоўная сцэна, амфітэатр, гарадскі парк

 

18.00

Цырымонія ўзнагароджання пераможцаў конкурсу малюнка на асфальце «Мой родны кут».

Дзіцячая школа мастацтваў

 

18.00 – 19.00

Вячэра.

 

18.00 – 19.30

Творчая праграма «Белстрайк»

Малая сцэна, плошча Вялікага Кастрычніка

 

20.00 – 23.00

Канцэртная праграма «Падарунак фестывалю».

Фестывальны флэш-моб – каманда «Next».

Галоўная сцэна, амфітэатр, гарадскі парк

 

3 чэрвеня

«Дзень сугучча талентаў»

Свята «Віват, дзяцінства!»

 

8.00 – 9.00

Сняданак.

 

9.00 – 12.30

Рэпетыцыя гала-канцэрта.

Гарадскі парк

 

10.00 – 10.30

Цырымонія ўручэння дыпломаў удзельнікам фестывалю.

Раённы Цэнтр культуры

 

10.00 – 17.00

Работа гандлёва-выставачных экспазіцый прадпрыемстваў гандлю Клімавіцкага раёна і Магілёўскай вобласці «Салодкае лета». Продаж сувенірнай прадукцыі, упрыгожванняў, цацак.

Вуліца Камуністычная, Першамайская

 

10.00 – 16.00

Выстава-продаж тэматычнай сувенірнай прадукцыі майстроў дэкаратыўна-прыкладнога мастацтва вобласці «Фестывальныя ўзоры».

 

10.00 – 16.00

Пляцоўка гульняў і гульнявых атракцыёнаў «Вясёлая вуліца».

Гарадскі парк

 

 

11.00 – 11.40

Святочная канцэртная праграма «У гасцях у Залатой пчолкі» дзіцячых творчых калектываў устаноў культуры раёнаў Магілёўскай вобласці.

Малая сцэна, плошча Вялікага Кастрычніка

 

11.30 – 11.55

Танцавальны марафон «Фестывальная феерыя» з удзелам творчых калектываў і выканаўцаў Клімавіцкага, Касцюковіцкага, Горацкага, Краснапольскага, Дрыбінскага, Крычаўскага, Мсціслаўскага, Слаўгарадскага, Хоцімскага, Чавускага, Чэрыкаўскага раёнаў.

Малая сцэна, плошча Вялікага Кастрычніка

 

11.50 – 12.35

Святочнае шэсце «Віват, дзяцінства!».

Вуліца Савецкая – плошча Вялікага Кастрычніка

 

13.00 – 14.30

Цырымонія ўзнагароджання лаўрэатаў XVII Міжнароднага фестывалю дзіцячай творчасці «Залатая пчолка», заключны гала-канцэрт «Вясёлка талентаў фестывалю «Залатая пчолка»».

Гарадскі парк

 

15.00

Абед, ад’езд удзельнікаў фестывалю.