Лёгкаатлет Дзмітрый Набокаў устанавіў новы рэкорд Беларусі па скачках у вышыню, паведамілі ў прэс-службе БФЛА.

На спаборніцтвах Рэспубліканскай універсіяды па лёгкай атлетыцы ў Брэсце Дзмітрый Набокаў пераадолеў планку з першай спробы на вышыні 2 м 36 см. Выступленне ў сектары атрымалася ўпэўненым, спартсмен справіўся з вышынёй 2 м 32 см, а з другой спробы пераадолеў планку на адзнацы 2 м 34 см.

Папярэдні рэкорд краіны (2 м 34 см) быў усталяваны Андрэем Санковічам ў маі 1993 года і трымаўся на працягу 25 гадоў.

Вынік Дзмітрыя Набокава на Універсіядзе гарантуе яму ўдзел у жнівеньскім чэмпіянаце Еўропы ў Берліне.

Па матэрыяле БЕЛТА 

Фота - БФЛА