У студзені-красавіку 2018 года ў Магілёўскай вобласці арганізацыямі ўсіх формаў уласнасці пабудавана 1 033 новыя кватэры. Уведзена ў эксплуатацыю 78,8 тыс. кв. м агульнай плошчы жылля. Пра гэта паведамілі ў галоўным статыстычным упраўленні рэгіёна.

Для грамадзян, якія стаяць на ўліку маючых патрэбу ў паляпшэнні жыллёвых умоў, пабудавана 44,9 тыс. тыс. кв. м, або 57% ад агульнага аб’ёму ўведзенага жылля. У тым ліку з выкарыстаннем дзяржаўнай падтрымкі – 30,3 тыс. тыс. кв. м, у шматкватэрных жылых дамах у гарадах – 40,2 тыс. кв. м.

У сельскіх населеных пунктах уведзена ў эксплуатацыю 10,7 тыс. кв. м жылля, або 13,5% ад агульнага ўводу па рэгіёне.